ZORNOTZA LHII zentro publikoa da, eta bere inguruko ekoizpen- eta prestakuntza-sektorerako erreferente orientatzailea izan nahi du, lanbide-heziketako eskaintzak erraztuz eta eskura dituen giza baliabideak eta baliabide materialak optimizatuz. Horretarako, bere estrategiaren funtsezko zati gisa definitu du bere politika, eta kudeaketa-sistemak hartu ditu erakundearen funtzionamendurako erreferentzia-eredutzat. Zentroak bere Kudeaketa Sistema Integratua (aurrerantzean, KSI) EFQMren Europako Kudeaketa Ereduaren, UNE-EN ISO 9.001 arauan oinarritutako kalitatea ziurtatzeko sistemaren eta UNE-EN ISO 14001 ingurumen-kudeaketako arauaren arabera definitu du.

Gure gizartearen garapen jasangarrirako ingurumen-kudeaketa egokiak garrantzi handia duela jakitun izanik, gure konpromezua zehaztea erabaki dugu, ingurumen-politikaren bitartez gure jarduerak ingurumenean duen inpaktua gutxitzeko, eta, horretarako, Garapen Iraunkorrerako Helburuak (GIH) txertatu ditugu.

17 GIH hauei laguntzeko, honakoak izango dira gure jarduera-ildoak:

• Indarrean dagoen ingurumen-legedi eta -araudi aplikagarriak eta enpresak ingurumenaren alorrean sina ditzakeen konpromisoak bete.
• Energiaren eraginkortasuna bultzatu.
• Gure ingurumen-politikarekin bat datozen ingurumen-arauak aplikatzen dituzten hornitzaileekin eta kontratistekin lan egin.
• Prozesuak planifikatzeko eta erabakiak hartzeko garaian ingurumen-irizpideak erabili.
• Prozesu eta jarduera guztietan hauek aplikatu: Murriztu, Berriz erabili eta Birziklatu.
• Langileei eta ikasleei gure jarduerak inguruan dituen ondorioei eta gure jarduerekin lotutako ingurumen-eraginei buruzko informazioa eman.

Ingurumen-politikari lotutako konpromisoak Ikastetxeko guztiek hartuko dituzte.

Jarraibide horiek honako baliabideen kudeaketarako prozesuaren barruan definitutako jardueren bidez hedatzen dira.

Erakundeak aitortzen du ez duela jaso ingurumen izaerako inolako erreklamaziorik, ezta ez duela ingurumenaren aurkako delituengatik prozedura zigortzailerik edo judizialik.

Zornotza LHII-k kalitatearen kudeaketa-ereduak jarraituz egiten du lan. Arlo honetan ondorengo esker onak jaso ditugu:

• Kalitatearen kudeaketa, ISO 9001 Arauaren arabera, 2004tik
• Ingurumen-kudeaketa, ISO 14001 Arauaren arabera, 2014tik
• Zilarrezko Q saria, 2005etik.

Zornotza LHII-n Hizkuntza politikan lan egingo da, horretarako Ulibarri programaren barruan egongo da. Hizkuntza politika horren barnean, euskara erabiltzea lehenetsiko da, nahiz eta ikastetxean beste hizkuntza batzuk ere presentzia izan. Leheneste horretan, irakasleek eta gainontzeko pertsonalak parte hartuko dute. Ikasleei eta familiei dagokienez, beraien komunikazio hizkuntza zehazteko aukera eskainiko zaie eta hori errespetatuko da.

Enpresa, administrazio eta gizartearekiko komunikaziorako hizkuntzan ere Euskara lehenetsiko da, gutxienez lehenengo agurrak euskaraz eginez eta gero behar denean komunikazioa elebiduna izanez.

ZORNOTZA LHII ikastetxean balioetan heztearen eta emakumeen eta gizonen arteko aukera-berdintasuna sustatzearen aldeko apustua egiten dugu.

Hezkuntza-komunitate osoa, eta, bereziki, ikasleak, sentsibilizatzen lan egiten dugu, eskola-eremuan estereotipo sexistak eta jokabide diskriminatzaileak zuzentzen saiatuz, eta industria-sektorean emakumeak prestakuntzara eta enplegura iristea sustatzen dugu.

Era berean, genero-indarkeriaren prebentziorako ekintza espezifikoak garatzen ditugu.